مصراوى وبحب بلادى
طفولتى ومهدى وميلادى
ولدونى لقتنى ف حارة
حبتها بكل حرارة
كبرت مشيت فى شوارعها
ولا عمرى ف يوم راح ابيعها
عمايرها فى قلبى صاممها
وشبابكها فى حضنى ضاممها
وده سور مدرستى حبيبتى
عمرك من قلبى ماغيبتى
يامعز يا بانى قاهرتى
عايز احكيلك حكايات
هحكى عن اهل مدينتى
وعشقى لشوارعها بالذات
تعالى اتعرف بيهم
فى الدنيا ماراح نلاقيهم
ده ميدان العتبه حبيبى
ورمسيس صاحبى ورفيقى
والقلعه بكل تاريخها
لسه صبيه بجلابيه
قاعده تغنى وتتمايل
على شط النيل السايل
واستنى هحكيلك تانى
بس انت ابقى استنانى
يامعز ياقائد الجيش
من بعد طابور العيش
يامعز انا جيتلك تانى
شايل جوايا امانى
لبلدنا الغاليه علينا
يلا نمدلها ادينا
ده واجب مش شفقه ومنه
هتقولى عملت زمان
شيدت فى كذا بنيان
وبسيفى عملتلها كيان
خليت جواها امان
وبنيت اسوارها العاليه
وغلبت جيوش الجان
جاى تشيلنى فى همك
يابنى ارحمنى انا مش قدك
جيبتنى مشيتنى فى شارع
وعماير طولها الفارع
يلا ودينى الجامع
اتوضى واصلى لربى
واشكيله همى وغلبى
ايه ده يابنى الجامع فاضى
فين الحاكم والقاضى
وازاى بالوضع ده راضى
يا معز محدش فاضى
كله بقى غير الماضى
لا الحاكم زى زمان
والقاضى لو يوم عادل
باقى الشهر جبان
انا شكلى هدعى عليكم
ضيعتو الدين باديكم
وتاريخ المجد نسيكم
احكيلى عن كل احوالكم
مش هقاطعك بس تقولى
منين الهم ده جالكم
حاضر هحكى واقول
بس انا طبعا من دول
نبدأ
حكايتنا
فى الاول سمى وصلى
على الهادى شفيعنا وخلى
دمك هادى واسمعنى
بلدنا دى حلوة كتير
لسه جواها الخير
ناسها الشقيانه الحلوة
فى كلامهم مليون غنوه
ضحكه بتخرج من جوه
الناس دى الهم قاتلها
والجوع والفقر ناحلها
واللى المفروض يحميها
هو نفسه اللى واكلها
بنعانى من ضيق الحال
وكمان غلا واستغلال
فين يابنى بيت المال
كان دايما مفتوح بابه
لفقيرنا وللغلبان
مش شفقه ولا احسان
ده حقه ف زكاه المال
خلاص البيت هدوه
واللى اتكلم سجنوه
وحق الحريه الكامله
ابقى اسال عنه جمال
وحكومه الظلم الشامله
وشبابنا خلاص بقى ضايع
بقى بين رجليهم نمله
ولو لسه فى واحد طايع
ولاقوه لأملنا الشمعه
بايديهم دول يطفوه
واحلامنا مهياش طالعه
يامعز هو ده حالنا
ضعفنا ورثته اجيالنا
وفساد الطبقه العاليه
تدفع تمنه الدانيه
وحكايه الحزب الوطنى
وجعتلى ياما ف بطنى
يامعز ياقائد الجيش
استنى لسه متمشيش
دى بلاوى المحروسه كتير
شاب بيشرب فى حشيش
وابوه فى طابور العيش
وناس نايمه فوق ع الريش
وبلدهم تحت بتخرب
ياما نفسى اسيبها واهرب
واغير بلدى واجرب
يابنى هتهرب على فين
استنى زمانك قرب
دى بلاد اسسها الدين
مش ممكن ابدا تخرب
استنى هجيبك تانى
فى عنيك دول احلى معانا
هسمع منك تحكيلى
وان شاء الله فى حلول
انا مؤمن قلبى دليلى
طفولتى ومهدى وميلادى
ولدونى لقتنى ف حارة
حبتها بكل حرارة
كبرت مشيت فى شوارعها
ولا عمرى ف يوم راح ابيعها
عمايرها فى قلبى صاممها
وشبابكها فى حضنى ضاممها
وده سور مدرستى حبيبتى
عمرك من قلبى ماغيبتى
يامعز يا بانى قاهرتى
عايز احكيلك حكايات
هحكى عن اهل مدينتى
وعشقى لشوارعها بالذات
تعالى اتعرف بيهم
فى الدنيا ماراح نلاقيهم
ده ميدان العتبه حبيبى
ورمسيس صاحبى ورفيقى
والقلعه بكل تاريخها
لسه صبيه بجلابيه
قاعده تغنى وتتمايل
على شط النيل السايل
واستنى هحكيلك تانى
بس انت ابقى استنانى
يامعز ياقائد الجيش
من بعد طابور العيش
يامعز انا جيتلك تانى
شايل جوايا امانى
لبلدنا الغاليه علينا
يلا نمدلها ادينا
ده واجب مش شفقه ومنه
هتقولى عملت زمان
شيدت فى كذا بنيان
وبسيفى عملتلها كيان
خليت جواها امان
وبنيت اسوارها العاليه
وغلبت جيوش الجان
جاى تشيلنى فى همك
يابنى ارحمنى انا مش قدك
جيبتنى مشيتنى فى شارع
وعماير طولها الفارع
يلا ودينى الجامع
اتوضى واصلى لربى
واشكيله همى وغلبى
ايه ده يابنى الجامع فاضى
فين الحاكم والقاضى
وازاى بالوضع ده راضى
يا معز محدش فاضى
كله بقى غير الماضى
لا الحاكم زى زمان
والقاضى لو يوم عادل
باقى الشهر جبان
انا شكلى هدعى عليكم
ضيعتو الدين باديكم
وتاريخ المجد نسيكم
احكيلى عن كل احوالكم
مش هقاطعك بس تقولى
منين الهم ده جالكم
حاضر هحكى واقول
بس انا طبعا من دول
نبدأ
حكايتنا
فى الاول سمى وصلى
على الهادى شفيعنا وخلى
دمك هادى واسمعنى
بلدنا دى حلوة كتير
لسه جواها الخير
ناسها الشقيانه الحلوة
فى كلامهم مليون غنوه
ضحكه بتخرج من جوه
الناس دى الهم قاتلها
والجوع والفقر ناحلها
واللى المفروض يحميها
هو نفسه اللى واكلها
بنعانى من ضيق الحال
وكمان غلا واستغلال
فين يابنى بيت المال
كان دايما مفتوح بابه
لفقيرنا وللغلبان
مش شفقه ولا احسان
ده حقه ف زكاه المال
خلاص البيت هدوه
واللى اتكلم سجنوه
وحق الحريه الكامله
ابقى اسال عنه جمال
وحكومه الظلم الشامله
وشبابنا خلاص بقى ضايع
بقى بين رجليهم نمله
ولو لسه فى واحد طايع
ولاقوه لأملنا الشمعه
بايديهم دول يطفوه
واحلامنا مهياش طالعه
يامعز هو ده حالنا
ضعفنا ورثته اجيالنا
وفساد الطبقه العاليه
تدفع تمنه الدانيه
وحكايه الحزب الوطنى
وجعتلى ياما ف بطنى
يامعز ياقائد الجيش
استنى لسه متمشيش
دى بلاوى المحروسه كتير
شاب بيشرب فى حشيش
وابوه فى طابور العيش
وناس نايمه فوق ع الريش
وبلدهم تحت بتخرب
ياما نفسى اسيبها واهرب
واغير بلدى واجرب
يابنى هتهرب على فين
استنى زمانك قرب
دى بلاد اسسها الدين
مش ممكن ابدا تخرب
استنى هجيبك تانى
فى عنيك دول احلى معانا
هسمع منك تحكيلى
وان شاء الله فى حلول
انا مؤمن قلبى دليلى
ليست هناك تعليقات:
إرسال تعليق