انا اللى شاب الشباب منى
وانا اللى عاش حلمى يكلمنى
وصحيت لقيته كابوس بيألمنى
قولت على فين ياحلمى رايح وهاجرنى
قالى نسيتك وانت لسه فاكرنى
ضعفك وهمك دولا جارحنى
خليك ياحلمى ده اللى ليا بعد ربى ساترنى
اصبر معاك ليه ؟؟وانت مصر على جهلك
على يأسك على نقصك وانت اللى جانى على نفسك
انت اللى بعت نفسك للاوهام
وانت اللى سبت ضميرك الف لحظه ينام
وسجنت كلمه حق واخترت عيشه ضلام
وال ايه ده جاى بيشكى من قله الاحلام
وهو اللى عمره مامسك ريشه ولا الوان
ولا فكر يوم فى بكره وازاى يجيبه
كل اللى فكر فيه ازاى هعيش وبكام
انت جاى بتقولى كلمتك وبتشكى وحدتك
وعايزنى معاك فى لحظه ازمتك
ماهو ده سقوطك من بعد عزتك
طب قولى مش مكسوف بذمت
بس العيب مش عليك
العيب على اللى ربتك
وخليتك انسان جبان
والصحبه الحلوه
السجارة والتوهه والنسيان
وجىتقولى شاب الشباب منى
الشباب جواك بيتنطط ويتفطط ويتعفرت
وباريتك على فات كله ده تشخبط
والشباب هيعود لك فى قلبك مستنى
الأربعاء، 10 نوفمبر 2010
شاب الشباب منى
الاشتراك في:
تعليقات الرسالة (Atom)
ليست هناك تعليقات:
إرسال تعليق